ESKOLA BIDEA. Oinezkoen trena

Arkatza eta koloretako margoak hartu, eta, lehenengo eta bigarren zikloko ikasleak marrazkiak egiten aritu dira. Artista trebe hauen lanekin erakusketa antolatu da eskolako atarian. Bidaiariz osatutako giza talde luze eta koloretsua ikus daiteke marrazki gehienetan.

Bide-hezkuntzan hainbat ordu teoriko eta praktiko landu ondoren, txirrindua hartu eta hirugarren zikloko ikasleak kalera irten dira ikasitakoa (arauak, trafiko seinaleak…) praktikan jartzera. Ostiralean, maiatzaren 22an, herriko kale eta auzoetan zehar ibili ziren.

Bosgarren eta seigarren mailako ikasleak sormenarekin jolasean aritu dira azken egun hauetan. Oinezkoen Trena gaitzat hartu, eta, irudimena eta hizkuntzaren joskera lagun, ipuin ederrak sortu dituzte. Joan Kruz Igerabide, Iñaki Zubeldia, Aitzol Barandiaran, Iker Zubeldia, Maider Agirre, Ekaitz Goikoetxea eta Irati Goikoetxearekin batera Oinezkoen treneko txoko literarioa idazle txiki berrien lanekin koloretsuagoa da gaur.