ESKOLA BIDEA. Oinezkoen trena

Ttiki-ttaka, ttaki-ttika
trenarekin korrika
naturaren apaingarri
ederrenak jantzita.

Ttaki-ttika, ttiki-ttaka
pozik eta lasai gaude
presa eta zalaparta
desagertu egin da ta!

Eguzkia...
Goizeroko goxokia,
egunsentian marrazten digu
pausoaren argazkia.

Hara!
Kontu-kontari lagunak;
ipuin, txiste ta kantuak...
jolasaren kolorea,
orain politagoa da
eskolarako bidea.

Irati Goikoetxea